شاعره تضيء القلووب .. وتغرد إبداعآ من أجملألحاان الرووح
هي الشاعره (( بدر البدوور ))
قصيدتها اعجبتني و نقلتها لكم اتمنى ان تنااال على اعجاابكم
قلت وش تخشى عليه؟ قال من نظرة فلان ،،
قلت له فدوة عيونك كل طبلٍ إمعه ....
قال له نظرة خبيثة كلها شرٍ جباان ،،
كلها سم يخالط لون عينه وادمعه ...
كل ماشفته اقول ابليس شيد به كياان ،،
للحسد والشر كله جعل ربي يقلعه !!
قلت له حبك وصل بي آخر حدود الاماان ،،
بعد ربي مانخاف وخل شره ينفعه ...
ملهمي اعذب معاني الحب في سحر البيااان ،،
فيك ياطلق المحيا كل حرف استمتعه ..
في متاهات الزمان الصعب اتعبت الجناان ،،
بالثبات وكل ريح جهدها تستجمعه ....
ياجبل ماهزه العاصوف او لمعة سناان ،،
شامخ فوق الثريا في زماان الزعزعه ...
جيت لك قلبٍ يدور في دفا صدرك مكاان ،،
وانت في وسط الضلوع العوج بيدك تزرعه ..
تزرعه حب وتضمه عطف تسقيه الحنااان ،،
يرتوي من نهر صافي نبض قلبك منبعه ...
لاجل عينك - تفتديك العين - اطلقت العناان ،،
لاجمل احساس وارق شعور قلبي يتبعه ..
مع حياء البنت فيني : حبك بعيني يباان ،،
مثل شمس الصبح حبك في عيون مولعه ..
من يلوم اللي تحبك لو تحس بإفتتااان ؟!
تمتطي مركب غرور ريح حبك تدفعه !!
تبحر لدنيا بها للحب ملك وصولجاان ،،
وسط تغريد النوارس وامتداد الأشرعه ..
قال تغريدك كفاني عن تغاريد الحساان ،،
شمس روحي مع قمرها و النجوم مجمعه ..
ايه احبك لو سكبت سنين عمري في زماان ،،
جنب عمرك عمر ثاني لك تعيشينه معه ..
ادري ان العمر واحد في زماني له اواان ،،
ولو عطيتك كل عمري ما عطيتك من سعه ..
ما وفيتك قدر لحظة عشق فيني استكاان ،،
وكل لحظة حب تسوى عمر كامل باجمعه ..
قلت له ماخاف منهو باسم ربه استعاان ،،
من شرور عيون حاسد بالاذى متشبعه ...
وسلامتكم
موضوع: فدوة عيوووونك 
الثلاثاء يوليو 31, 2007 3:38 pm
